პარლამენტის ჯანდაცვის კომიტეტის თავმჯდომარე მიიჩნევს, რომ პირბადის წესის დარღვევაზე 100-ლარიანი ჯარიმა ბევრი იქნება.
ამის შესახებ დიმიტრი ხუნდაძემ ჟურნალისტებთან საუბრისას განაცხადა.
„ჯარიმა არ უნდა იყოს იმდაგვარი, რომ ადამიანები ფინანსურ პრობლემებში შევიდნენ. 100 ლარი მგონია, რომ ბევრი იქნება“, – განაცხადა ხუნდაძემ.
საზოგადოებაში პირბადის წესის დარღვევის შემთხვევაში, ჯარიმის ოდენობაზე სხვადასხვაგვარი ვერსია ვრცელდება. მათ შორის, „ინტერპრესნიუსმა“ გაავრცელა ინფორმაცია, რომ ჯარიმა შესაძლოა 100 ლარი იყოს.
