საქართველოში კორონავირუსით კიდევ ერთი ადამიანი გარდაიცვალა. მეოთხე პაციენტის გარდაცვალება 18 აპრილს, 21:50 წუთზე დაფიქსირდა, ამის შესახებ ბათუმის კლინიკა „მედალფას“ დირექტორმა განაცხადა.
რაც შეეხება ინფიცირებულთა რაოდენობა, დღის ბოლოს მხოლოდ 3 ახალი ინფიცირებული დაემატა, თუმცა, სამწუხაროდ გაიზარდა გარდაცვლილთა რიცხვი.
დღის ბოლოს მონაცემები ასე გამოიყურება:
საქართველოში კორონავირუსით დაინფიცირების 388 დადასტურებული შემთხვევა ფიქსირდება.
მათ შორის, 86 გამოჯანმრთელდა, ხოლო 4 ადამიანი გარდაიცვალა.
ასევე, სტაციონარში მეთვალყურეობის ქვეშ 519 ადამიანი იმყოფება.
ამასთან, უცხოეთიდან სამკურნალოდ გადმოყვანილია საქართველოს 3 მოქალაქე.
კარანტინის რეჟიმში კი 4971 მოქალაქეა.
გაეცანით და გაითვალისწინეთ რეკომენდაციები:
- საქართველოს მთავრობის გადაწყვეტილებით 17 აპრილის 12 საათიდან, 21 აპრილამდე საქართველოს მთელ ტერიტორიაზე მსუბუქი ავტომობილების გადაადგილება იკრძალება.
- დახურულ სივრცეში სავალდებულო გახდა პირბადის ტარება. წინააღმდეგ შემთხვევაში იურიდიული პირი 15 ატასი ლარით დაჯარიმდება.
- მთავრობასა და საპატრიარქოს შორის შეთანხმება შედგა. შეთანხმების მიხედვით, ეკლესიის კარები მორწმუნეთათვის არ დაიკეტება!
- ხელისუფლების მოწოდებაა დარჩით სახლში, არ დაარღვიოთ კანონი
- 15 აპრილიდან, საქართველოს ოთხი დიდი ქალაქი 10 დღით ჩაიკეტა.
- 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.
- 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა
- დახურულია ყველა სავაჭრო ობიექტი, გარდა სურსათის მაღაზიებისა. დაკატილია აგრარული ბაზრები.
- საჯარო და კერძო სამსახურები გადავიდნენ დისტანციურ მუშაობაზე. შეჩერდა მუნიცილაური ტრანსპორტის მოძრაობა.
- კარანტინის წესის დამრღვევი ფიზიკური პირები 3 000 ლარით, იურიდიული პირები კი 15 000 ლარით დაჯარიმდებიან.
- შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.
- შეზღუდვები შეეხო კაფე-ბარებსა და რესტორნებს.
