14:32 | 2021-11-30 ავტორი: მირანდა ტყემალაძე

4 შვილის დედა, ხატმწერი თეა გორდელაძე გარდაიცვალა – „40 დღე იშიმშილა და განწმენდილი წარსდგა უფალთან“

4 შვილის დედა, ხატმწერი თეა გორდელაძე გარდაიცვალა – „40 დღე იშიმშილა და განწმენდილი წარსდგა უფალთან“

საქართველოს ეროვნული აკადემიის საპატიო აკადემიკოსი ოთარ ნიკოლაიშვილი სამწუხარო ინფორმაციას ავრცელებს. შობის მარხვის პირველ დღეს გარდაიცვალა მძიმე ავადმყოფობის შემდეგ (შობის მარხვის პირველ დღეს), წინამდებარე ხატის „თანალმობის“ შექმნის ავტორი თეოლინა (თეა) გორდელაძე.

 

„მას ბევრი საგალობელიც აქვს შექმნილი. სამწუხაროდ, არ დასცალდა ამ ხატის პარაკლისის შექმნა. სურდა, ეს საკმაოდ დიდი ზომის ხატი დაბრძანებულიყო ეკლესიაში, სადაც კვირაში ერთხელ ჩატარდებოდა ამ ხატის პარაკლისი (ხმოვან ჩანაწერში აღნიშნული მითითებით).

სიწმინდის და ყველა წმიდანების მოყვარულს, გამორჩევით უყვარდა წმიდა მამა გაბრიელი და ეს ამ ხატიდანაც იგრძნობა.

 

თეოლინა (ოთხი საუკეთესო შვილის დედა), იყო უსაზღვროდ მოწყალე, არა მხოლოდ მისი მეგობრებისა და ახლობლების მიმართ, არამედ უცხო, გაჭირვებულ ადამიანთა მიმართაც. პირადად ჩემს ოჯახს მუდამ შეეწეოდა, განსაკუთრებით, პატარა მარიამ-მარგალიტს. მისი დიდი ბუნების, ნამდვილი ქრისტიანობისა და საოცრად მოწყალე გულის შესახებ, მხოლოდ ერთ მაგალითს მოვიყვან: თეოლინა მეოთხე სტადიის სიმსივნეს ებრძოდა, როგორც ფიზიკურად, ასევე სულიერად. ის (შესაბამისი ყურადღებით) შეუთანხმდა მცხეთის სამთავროს მონასტერში მოღვაწე მამა მირიანს, ჯანმრთელობისთვის ჩატარებულიყო მის სახელზე შეკვეთილი წირვა.

 

წირვის ჩატარებამდე ორი დღით ადრე, გაიგო, რომ ჩემი მეუღლის მდგომარეობა დამძიმდა და გადაიყვანეს რეამინაციაში. მან, თვითონ მძიმე მდგომარეობაში მყოფმა, ჩემთან შეთანხმების გარეშე, სთხოვა მამა მირიანს, რომ შეკვეთილი წირვა მის ნაცვლად ჩატარებულიყო ნანას სახელზე. ამის შესახებ მე მხოლოდ მამა მირიანისგან გავიგე. ალბათ ყველა დამეთანხმება, რომ ეს ურთიერთტვირთვის, უდიდესი სულიერობის და თანალმობის მწვერვალია.

 

ულამაზესი და წმიდა სულის ადამიანი, ჭვრეტდა რა მოახლოებულ, გარდაუვალ აღსასრულს, არ ინება ქიმიის გაკეთება. ბოლო 40 დღე იშიმშილა და სრულიად განწმენდილი წარსდგა უფლის წინაშე.

გამოცხადდება თუ არა ქვეყანაში ლოკდაუნი -  ტიკარაძე WHO-ს რეგიონალურ დირექტორს ესაუბრა
2021-11-30გამოცხადდება თუ არა ქვეყანაში ლოკდაუნი -  ტიკარაძე WHO-ს რეგიონალურ დირექტორს ესაუბრა

 

ჩემი თავისებური მიდგომით ვიტყვი: მიუხედავად იმისა, რომ ნანა უკვე სამი თვეა, რაც იმ ქვეყნად წაბრძანდა და თითქოს მას ეკუთვნის თეოლინას მასპინძლობა, ვფიქრობ, თეოლნა თავისი შეუდარებელი მლოცველობით, ამ ქვეყნად მრავალი ტანჯვის გადატანით, აურაცხელი მოწყალებითა და განწმენდილი სულით, იქაც ყველას შემწე იქნება და აქ მყოფებსაც უფრო მეტად დაგვეხმარება.

 

ქრისტე ღმერთო, შენ აცხონე და ნათელში ამყოფე სული ახლადშესვენებულისა მხევლისა ღვთისა თეოლინასი(თეასი), ამინ.

 

P. S. თეოლინა, დასვენებულია საპატრიარქოსთან მდებარე „კარის“ ეკლესიაში. გასვენება ამავე ტაძრიდან სამშაბათს 30 ნოემბერს 2 საათზე“, – ვკითხულობთ ოთარ ნიკოლაიშვილის ფეისბუკ-პოსტში.

 

ასევე ნახეთ ვიდეო ⇓ ქარიშხლის დროს, დედა შვილს გადასარჩენად გადაეფარა და თავად დაიღუპა

 

 

ნახეთ სხვა სიახლეები და ვიდეოები

 

 

 

 

 

 

ავტორი: მირანდა ტყემალაძე

X