საქართველოს ეროვნული ნაკრები პრიშტინაში 11 ოქტომბერს ჩავიდა და კოსოვოსთან მატჩამდე ბოლო ვარჯიში ჩაატარა. შეხვედრის მასპინძელ სტადიონზე საწვრთნელი პროცესი ძლიერი წვიმის ფონზე ერთი საათი გაგრძელდა.
მაგრამ მსოფლიო ჩემპიონატის საკვალიფიკაციო ეტაპის მეშვიდე შეხვედრის მასპინძელ ქალაქში მოხვედრამდე ვილი სანიოლის გუნდს გაუთვალისწინებელი დაბრკოლება შეხვდა და დაგვიანებით დაშვება მოუხდა.
გავრცელებული ცნობით, ლაინერი პრიშტინას აეროპორტში დაშვებამდე ჰაერში დაგეგმილზე მეტ ხანს მოძრაობდა – საქართველოს ნაკრების დელეგაცია 40 წუთი კოსოვოს მთავარი ქალაქის აეროპორტში დაჯდომას ელოდა.
🇬🇪 Georgian National Football Team’s charter flight – Georgian Airways | TGZ2781 | REG: 4L-TGC | After about 40 minutes of circling finally landed at Pristina International Airport safely. pic.twitter.com/lscsOMnjSH
— Visioner (@visionergeo) October 11, 2021
