აზერბაიჯანელმა ოპოზიციონერმა ბლოგერმა ჰუსეინ ბაკიხანოვმა გარდაცვალებამდე რამდენიმე დღით ადრე youtube-ზე ვიდეო გამოაქვეყნა, სადაც ამბობს, რომ მას თავს დაესხნენ და სიტყვიერი შეურაცხყოფა მიაყენეს.
„დღეს 12 ივლისია, 2021 წელი. მე ჰუსეინ ბაკიხანოვი ვარ. დღეს 5 ადამიანი თბილისის ცენტრში თავს დამესხა. ვვარაუდობ, რომ ეს აზერბაიჯანის მთავრობის დაკვეთა იყო. დარწმუნებული არ ვარ, თუმცა არ მჯერა, რომ ეს შემთხვევითობა იყო.
ეს ადამიანი რამდენიმე დღის წინ გავიცანი, დღეს კი სიტყვიერი შეურაცხყოფა მომაყენეს, შემდეგ კი – თავს დამესხნენ.
სასწრაფო დახმარების ბრიგადა მოვიდა, რადგან მაქვს დაზიანებები სხეულზე. ეს შემთხვევითობა არაა, ვფიქრობ, რომ აზერბაიჯანის მხრიდანაა მოწყობილი“, – ამბობს ბაკიხანოვი ვიდეოში.
შეგახსენებთ, რომ აზერბაიჯანელი ოპოზიციონერი ბლოგერი ჰუსეინ ბაკიხანოვი თბილისში გარდაცვლილი იპოვეს.
შსს-ს თქმით, 14 ივლისს მომხდარ ფაქტთან დაკავშირებით, გამოძიება 115-ე მუხლით მიმდინარეობს.
ასევე დაგაინტერესებთ ⇓
