საქართველოში კორონავირუსით ინფიცირების შემთხვევათა რაოდენობა 5-ით გაიზარდა და 973 გახდა. გამოჯანმრთელებულთა რაოდენობა კი 2-ით გაიზარდა და 846 გახდა.
ინფორმაცია ამის შესახებ მთავრობის მიერ შექმნილ სპეციალურ ვებ-გვერდზე stopcov.ge-ზე გამოქვეყნდა.
კარანტინის რეჟიმშია 4851ადამიანი, ხოლო სტაციონარში მეთვალყურეობის ქვეშ 231 პირი.
ქვეყანაში კორონავირუსით სულ 15 ადამიანი გარდაიცვალა.
უცხოეთიდან სამკურნალოდ გადმოყვანილია საქართველოს 31 მოქალაქე.
