„ინფექციურ საავადმყოფოში მყოფი 86 წლის ქალბატონის მდგომარეობა სტაბილურად მძიმეა“,- ამის შესახებ ბოქსირებული განყოფილების უფროსმა, მარინა ენდელაძემ განაცხადა.
მისი თქმით, ჯერჯერობით სტაბილურობა ნარჩუნდება.
„86 წლის ქალბატონის მდგომაროება სტაბილურად მძიმეა. საყურადღებოა, მაგრამ ჯერჯერობით ვინარჩუნებთ სტაბილიზაციას და ყველანაირად ვცდილობთ, რომ ყველაფერი კარგად დამთავრდეს“,- განაცხადა ენდელაძემ.
როგორც გუშინ მარინა ეზუგმბაიამ განაცხადა, ქალბატონს აქვს თანმხლები დაავადება, მძიმე ნერვოლოგიური დაავადების სახით, რის გამოც მისი მდგომარეობა, შესაძლოა, დამძიმდეს.
საქართველოში კორონავირუსის შემთხვევა 43-მდე გაიზარდა.
