სომხეთში ბოლო დღე-ღამის განმავლობაში კორონავირუსის 160 ახალი შემთხვევა გამოვლინდა, 13 ინფიცირებული კი გარდაიცვალა.
სომხეთის ჯანდაცვის სამინისტროს დაავადებათა კონტროლისა და პროფილაქტიკის ეროვნული ცენტრის ინფორმაციით, გარდაცვლილთა შორის შვიდი Covid-19-ით დაიღუპა, ხოლო ექვსი ინფიცირებულის გარდაცვალების მიზეზი კორონავირუსის თანმხლები დაავადებები გახდა.
ბოლო დღე-ღამეში კორონავირუსისგან განკურნებულთა რაოდენობა სომხეთში 541-ით გაიზარდა და ჯამში 33 157 შეადგინა.
სომხეთში კორონავირუსის შემთხვევებმა უკვე 40 ათასს გადააჭარბა, სულ გარდაცვლილია 1037 პაციენტი.
