თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ამ დროისთვის კოვიდ-ცენტრებში 232 პაციენტი მკურნალობს.
მისივე თქმით, ექვსის მდგომარეობა კრიტიკულია, 22 კი მძიმედ ფასდება.
„ისინი კოვიდ-ცენტრების შესაბამის რეანიმაციულ განყოფილებებში მკურნალობენ. მძიმე პაციენტების რაოდენობა გაგვეზარდა და დღევანდელი მონაცემებით 22 მძიმე პაციენტია. დღევანდელი მონაცემებით, გამოჯანმრთელების რაოდენობა 81 პროცენტია, ხოლო ლეტალობის მაჩვენებელი – 1,27“, განაცხადა – ეზუგბაიამ.
ცნობისთვის, დღეს საქართველოში კორონავირუსისი 5 ახალი დადასტურებული შემთხვევა გამოვლინდა, 4 პაციენტი კი, გამოჯანმრთელდა.
