ჯანდაცვის მინისტრის მოადგილე, თამარ გაბუნია აცხადებს, რომ შიდა გავრცელების შემთხვევები იმატებს და ეპიდემიოლოგების მთავარი ამოცანა დღეს, ინფიცირებულის სწრაფად გამოვლენაა.
„ახლა, გამოწვევა განსხვავებულია. შიდა გავრცელების შემთხვევები იმატებს და აქ არის მთავარი აქტიური ტესტირება.
როდესაც ჩვენ ვსაუბრობთ ეპიდემიის ატქიურ მართვაზე, ყველაზე დიდი მნიშვნელობა აქვს ადრეულ გამოვლენას, კონტაქტების შეფასებას, რომ არც ერთი ინფიცირებული ადამიანი დიდხანს არ დარჩეს საზოგადოებაში ისე, რომ არ ვიცოდეთ მისი ინფიცირების შესახებ. ეს არის მთავარი სტრატეგია“, – განაცხადა თამარ გაბუნიამ „ქრონიკის“ ეთერში.
შეგახსენებთ, რომ დღეს ქვეყანაში კოვიდინფიცირების 57 შემთხვევა გამოვლინდა.
