დაკავებული თამაზ ხომასურიძის მამა, გიორგი ხომასურიძე ითხოვს, რომ მისი შვილის ფსიქიკური ჯანმრთელობის მდგომარეობა შემოწმდეს.
შაქარაშვილის საქმეზე დაკავებული ზ.ხ-ს ბაბუა ამბობს, რომ მისი შვილი დილით, დაახლოებით, 8 საათზე დააკავეს.
მისივე თქმით, მან პოლიციელებისგან მოისმინა, რომ თამაზ ხომასურიძეს მუქარას ედავებიან.
„პრაიმტაიმისთვის“ ცნობილი ხდება, რომ სამართალდამცველებმა გიორგი შაქარაშვილის მკვლელობაში ბრალდებული არასრულწლოვნის მამა, თამაზ ხომასურიძე დააკავეს.
ინფორმაცია შსს-ში დაგვიდასტურეს, თუმცა რას უკავშირდება ხომასურიძის დაკავება, უწყებაში არ დააკონკრეტეს.
შსს-ში ამ საკითხზე განცხადება, სავარაუდოდ მოგვიანებით გაკეთდება.
ცნობილია, რომ ხომასურიძემ რამდენჯერმე საჯაროდ გააჟღერა მუქარის შემცველი განცხადებები გიორგი შაქარაშვილის ბიძის, მირიან ნიკოლაძისა და საქმის მოწმეების მიმართ.
