ამირან გამრელიძის თქმით, მას შემდეგ, რაც კორონავირუსის საწინააღმდეგო ვაქცინა დამტკიცდება, საქართველო, დაახლოებით, 600-700 ათას დოზას მიიღებს.
„მიმდინარეობს აქტიური მუშაობა კორონავირუსის ვაქცინის პლატფორმაზე. გუშინწინ შემოვიდა პირველი 25 000 დოზა გრიპის საწინააღმდეგო 4-ვალენტიანი ვაქცინის, რომელიც ფრანგული წარმოებისაა და დღეს უკვე განაწილდა თბილისსა და რეგიონებში.
ეს 25 000 დოზა პირველ ეტაპზე მაღალი რისკ-ჯგუფებისთვისაა განკუთვნილი.
„ესენი არიან პირველ რიგში, ორსულები, მოხუცთა და ბავშვთა სახლის ბინადრები, ბაგა-ბაღების პედაგოგები და მომვლელი პერსონალი. ასევე, შიდსიანი და ჰეპატიტიანი ავადმყოფები, რომლებიც მკურნალობაზე იმყოფებიან.
ამასთან, დიალიზიანი პაციენტებიც. ანუ, სანამ დიდი პარტია შემოვა, აიცრებიან ეს ჯგუფები. შემდგომ უკვე, აიცრებიან დანარჩენი რისკ-ჯგუფები. ესენი არიან: სამედიცინო პერსონალი, დიაბეტიანი პაციენტები, ასევე სხვა ქრონიკული დაავადების მქონე პირები“, – განაცხადა ამირან გამყრელიძემ.
