„მადრიდის რეალიდან რონალდო წავიდა, მას შემდეგ გუნდს ჩემპიონთა ლიგა არ მოუგია, მაგრამ ამის გამო რეალი არ დაშლილა“,- ამის შესახებ „გირჩის“ ერთ-ერთმა წევრმა, იაგო ხვიჩიამ „დღის კურიერთან“ საუბრისას გნაცხადა.
როგორც იაგო ხვიჩია ამბობს, „გირჩი“ არ დაიშლება.
„მადრიდის რეალიდან რონალდო წავიდა, მას შემდეგ გუნდს ჩემპიონთა ლიგა არ მოუგია, მაგრამ ამის გამო რეალი არ დაშლილა. „გირჩი“ არ არის ის ორგანიზაცია, რომელიც ერთი კაცის ქმედების გამო დაიშლება, ვინც გინდა იყოს ეს კაცი. ჩემ პირად ტრაგედიაა ის, რომ მეგობრებს შორის კონფლიქტი ვერ მოგვარდა“.- ამბობს იაგო ხვიჩია.
ცნობისთვის, პარტია „გირჩის“ ერთ-ერთმა ლიდერმა, ზურაბ ჯაფარიძემ სოციალურ ქსელში დაწერა, რომ მისი და საკუთარი თანაპარტიელების, ვახო მეგრელიშვილის, იაგო ხვიჩიასა და სანდრო თარხან-მოურავის „გზები გაიყო“.
