ჟურნალისტის კითხვაზე, თუ რატომ ვერ ახერხებს ყველა მოქალაქე ანტიგენ-ტესტის ჩატარებას და რატომ ეუბნებიან კლინიკები უარს, ამირან გამყრელიძე აცხადებს, რომ ყველა კლინიკა უზრუნველყოფილია ტესტების საკმარისი რაოდენობით, ყველა მოქალაქეს უნდა შეეძლოს გაიკეთოს უფასო ტესტირება იმ საავადმყოფოში, სადაც ჩაწერილია და უარის შემთვევაში პაციენტებმა ცხელ ხაზზე უნდა დარეკონ.
“ვალდებული არიან, რომ გააკეთონ ტესტები, მათ გატანილი აქვთ ეს ტესტები, თუ ასეთი გაუგებრობა არის, მე ვთხოვ მოსახლეობას, ჩვენს ცხელ ხაზზე, 116 001, დატოვონ თავიანთი ტელეფონი. თუ შეყვანილია სიაში და არ ემსახურებიან SMS გამოგზავნონ ან დარეკონ და მოუგვარებენ ამ ცალკეულ შემთხვევებს”, – განაცხადა ამირან გამყრელიძემ საკოორდინაციო საბჭოს სხდომის შემდეგ.
