ფინანსური მაჩვენებლებით „გლოვო ჯორჯია“ საწარმოთა მეოთხე კატეგორიაში ხვდება. ეს კი ნიშნავს, რომ მისი აქტივების ჯამური ღირებულება 10 მილიონ ლარს, შემოსავალი 20 მილიონს, ხოლო დასაქმებულთა საშუალო რაოდენობა 50-ს არ აღემატება.
აღნიშნული ინფორმაცია კომპანიის მიერ გამოქვეყნებულ 2019 წლის ფინანსურ ანგარიშგებაშია აღნიშნული.
ანგარიშგების თანახმად, 2019 წლის ბოლოს „გლოვო ჯორჯია“ 961,612 ლარის აქტივებს ფლობდა. ამასთან, კომპანიის შემოსავალი გასულ წელს 7 272 267 ლარი იყო. რაც შეეხება მოგებას, როგორც ანგარიშგებიდან ირკვევა, კომპანიამ 2019 წელი 8 234 291 ლარის ზარალით დაასრულა.
ანგარიშების თანახმად, კომპანია 2018 წელს დაარსდა და მისი 100%-იანი წილის მფლობელი, ესპანური კომპანია „გლოვოაფფ23” ეს.ელ-ია.
