ჯანდაცვის მინისტრის მოადგილე, თამარ გაბუნია კორონავირუსის ვაქცინასთან დაკავშირებით არსებულ ეროვნულ გეგმაზე საუბრობს და ამბობს, რომ გარემოებების გათვალისწინებით, გეგმაში ცვლილებები, შესაძლოა, ყოველთვის შევიდეს.
„უკვე იურიდიული დამუშავება მიმდინარეობს დოკუმენტის და ის პროცესი, რაც ფორმალურ პროცედურებს სჭირდება შესაძლოა 10 დღე საჭიროა, რომ იყოს დამტკიცებული საბოლოოდ მთავრობის მიერ. ჩვენ გვაქვს იმის მოლოდინი, რომ გარკვეული პერიოდულობით მოგვიწევს გეგმის განახლება და გადახედვა, თუკი ახალი გარემოებები გაჩნდება, ახალი ვაქცინა შეიძლება გაჩნდეს ბაზარზე და მივიღოთ მისი დანერგვის შესაძლებლობა, ან შეიცვალოს რაიმე რეკომენდაცია ჯანდაცვის მსოფლიო ორგანიზაციიდან. ვფიქრობთ, რომ იანვრის ბოლომდე ჩვენ გვექნება გეგმა დამტკიცებული სახით“,- განაცხადა თამარ გაბუნიამ.
