ავსტრიაში მცხოვრები ექიმი ირმა კვიცარიძე საქართველოში ვაქცინაციის პროცესს ეხმაურება. მისი თქმით, „ფაიზერის“ ვაქცინა კარგია, მაგრამ თუ უსაფრთხოების ნორმები არ იქნება სათანადოდ დაცული, შეიძლება მეტი გართულება მოჰყვეს.
„დროულად მოწოდებულმა ინფორმაციამ პანიკაში არ უნდა ჩაგაგდოთ, საჭიროა ასევე ამ ინფომრციის დროულად გათავისება. მესამე ლოკდაუნი გვაქვს და მიზეზი არის ბრიტანული მუტაცია. საშიშია! ვრცელდება სწრაფად. ერჩის ძირითადად ახალგაზრდებს, ავადობა გრძელდება 16 დან 20 დღემდე. და ინტენსიურ განყოფილებაში მოხვედრილ პაციენტს სჭირდება უფრო დიდხანს ინტენსიური მეთვალყურეობა ვიდრე ვირუსის პირვანდელ სახით დაავადების დროს. ამიტომ ინტენსიური განყოფილებები მალე ივსება და უკვე ჩვენთან ინტენსიურ განყოფილებაში ადგილების დეფიციტიც იქმნება!
კოვიდგადატანილები არ არიან გარანტირებული რომ მუტაციის ამ ახალი ფორმით ხელმეორედ არ დაავადდებიან! აქვე, დღეს შევიტყვეთ, რომ ინდოეთში გამოჩნდა კორონა ვირუსის ახალი მუტაცია, რომელსაც ვირუსს ორმაგი მუტაციით უწოდებენ. თუ აქამდე ახალ მუტაციებში მხოლოდ ერთი რომელიმე კომპინენტის ცვლილება იყო, ამ მუტაციში ერთდროულად ორი კომპონენტია შეცვლილი. რაც მას გავრცელების უფრო სწრაფ შესაძლებლობას აძლევს და დაავადებაც მიმდინარეობს უფრო რთული ფორმით ვიდრე აქამდე არსებული ყველა მუტაციის ფორმა.
მაშინ, როცა საქართველოში მსჯელობა მიდის, რომელი ვაქცინით ავიცრებით, ფაიზერით თუ ასტრაზენიკათი, მსიფლიო მსჯელობს მეორე და მესამე თაობის ვაქცინებზე, ეს ის ვაქცინებია, რომლებიც ერთდროულად მუტაციის სხვადასხვა ფორმისათვის გამოდგება. ავსტრია ზაფხულისათვის გეგმავს ასეთი ტიპის ვაქცინების 5 დან 10 მილიონამდე დოზის გამოშვებას!
და კიდევ ერთხელ, აქამდე არსებული კოვიდის საწინააღმდეგო ყველა ვაქცინა გვიცავს ვირუსით მძიმედ დაავადებისაგან! ანუ თუ დაავადდებით ვირუსით, ინტენსიურ განყოფილებაში არ დაგვჭირდება მკურნალობა და არც მართვით სუნთქვაზე გადაყვანა. დაავადებას გადავიტანთ მარტივად.
ასევე, მიუხედავად იმისა, რომ ქვეყნების უმრავლესობამ, მათ შორის ისრაელმა, აცრა მისი მოსახლეობა „ფაიზერის“ ვაქცინით, ახალი ინფექციების რიცხვი მაღალია, მიზეზი ბრიტანული მუტაციაა! ვიცით, რომ მუტაციის ამ ფორმის შემთხვევაში საქართველოში „სახელგატეხილი“ „ასტრაზენიკას“ ვაქცინა ლიდერია, ანუ მუტაციის ბრიტანული ფორმისგან გვიცავს!
საქართველოში შემოდის „ფაიზერის“ ვაქცინა, კარგია, მაგრამ თუ უსაფრთხოების ნორმები არ იქნება სათანადოდ დაცული, მას შეიძლება მეტი გართულება მოჰყვეს. რატომღაც ამ გართულებებზე არავინ საუბრობს! მხოლოდ ერთ პრაქტიკულ მინიშნებას გავაკეთებ, ამ ვაქცინის სწორი დოზირება შპრიცებში არის რთული პროცესი და მოითხოვს ყველა წესის დაცვას!
(რისკების გათვალისწინება გამომდინარე გვერდითი მოქმედებებისაგან აქაც საყურადღებოა)!
მე ვფიქრობ, რომ ვაქცინის გაკეთების პროპაგანდა კი არ უნდა ხდებოდეს, არამედ მოსახლეობისათვის იმის ჩვენება, რომ ნებისმიერი მანიპულაცია, ვაქცინაცია თუ სხვა სამედიცინო პროცედურები, უსაფრთხოების ყველა წესის დაცვით მიმდინარეობს. გაიგო ხალხმა უკვე, რომ თურმე შესაძლოა ნებისმიერმა წამალმა მათი სიკვდილი გამოიწვიოს. მაგრამ მოქალაქემ უნდა იცოდეს, რომ გართულებების შემთხვევაში მას აუცილებლად გადაარჩენენ. არასწორმა ტაქტიკამ იქამდე მიგვიყვანა, რომ ადამიანები მხოლოდ რეანიმაციის კარების წინ თანხმდებიან ვაქცინის გაკეთებას, თან კარებს იქეთ ლევან რატიანი უნდა იყოს. არადა ვაქცინაციას აქ ოჯახის ექიმები ატარებენ!“, – წერს ირმა კვიცარიძე.
