გარდა კორონავირუსისა, კიდევ რომელი ტიპის ვირუსები ცირკულირებს და როგორ გავარჩიოთ კოვიდ-ვირუსისგან, – ამას დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე განმარტავს.
„ამის მონიტორინგი ქვეყანაში ყოველკვირეულად მიმდინარეობს. რა თქმა უნდა, ბოლო კვირებში სხვა ე.წ გაციების ვირუსებიც ცირკულირებს, გარდა ამ ახალი კორონავირუსისა, ცირკულირებს ჩვეულებრივი ადამიანის კორონავირუსი, ცნობილი კორონავირუსი, რომელიც გაციებას იწვევენ და ჩვეულებრივ, მსუბუქად მიმდინარეობს.
გარდა ამისა, გარკვეული მონაცემებია, ადენოვირუსების და რინოვირუსების, სურდოს რომ იწვევენ. ამისი გარჩევის ერთადერთი გზა ტესტირებაა. ადამიანს თუ აქვს სიმპტომები – სურდო, ცხელება, ადამიანმა ტესტი კორონავირუსზე უნდა ჩაიტაროს“, – განაცხადა პაატა იმნაძემ.
