კულტურის სამინისტრო იმისთვის არ იქმნება, რომ იყოს დაახლოებით ისეთი უწყება, როგორიც არის გემოვნების სამინისტრო – ამის შესახებ კულტურისა და სპორტის მინისტრმა თეა წულუკიანმა განაცხადა.
„მე მაქვს ძალიან კონკრეტული ხედვა იმისა, რომ მაგალითად, კულტურის სამინისტრო იმისთვის არ იქმნება, რომ იყოს დაახლოებით ისეთი უწყება, როგორიც არის გემოვნების სამინისტრო, ეს არ არის ჩვენი ფუნქცია,ჩვენი ფუნქციაა ის, რომ ყველა ადამიანს, ვისაც აქვს სურვილი ხატოს, დადგას, იმღეროს დ ა.შ ჰქონდეს შეძლებისდაგვარად, მაქსიმალური მხარდაჭერა სახელმწიფოსგან. ჩვენ ძალიან ბევრი შრომა დაგვჭირდება“, – განაცხადა თეა წულუკიანმა „ნოესთან“.
