„ქართული ოცნების” ოფისთან აქტივისტებსა და სამართალდამცველებს შორის მომხდარი დაპირისპირების შედეგად 5 პირი დააკავეს.
ინფორმაცია ამის შესახებ „პრაიმტაიმს“ შინაგან საქმეთა სამინისტროში დაუდასტურეს.
უწყებაში აცხადებენ, რომ გამოძიება ადმინისტრაციულ სამართალდარღვევათა კოდექსის 173-ე და 166-ე მუხლებით დაიწყო.
შეგახსენებთ, რომ ცოტა ხნის წინ „ქართული ოცნების“ ოფისთან, სადაც ოკუპირებული ტერიტორიებზე მცხოვრები მოქალაქეებისთვის დაწესებული 5-დღიანი კარანტინის გაუქმების მოთხოვნით აქცია მიმდინარეობს, ვითარება დაიძაბა.
სამოქალაქო აქტივისტები ადგილზე წარწერების გაკეთებას ცდილობდნენ, თუმცა პოლიციამ მათ ამის საშუალება არ მისცა.
