სალხინოში „ნამახვანჰესის“ მოწინააღმდეგე აქციის მონაწილეების ჩასვლას ექსპერტი გია ხუხაშვილი გამოეხმაურა.
„ვარლამ გოლეთიანმა დღეს დაუშვა პრაქტიკულად ფატალური შეცდომა“, – წერს ხუხაშვილი სოცქსელში.
ასევე ნახეთ ვიდეო – მეუფე სტეფანე ათინოგენეს პაროდიას ასრულებს
ცნობისთვის, დღეს ხმაური იყო მარტვილში, სალხინოს მამათა მონასტერში. სასულიერო პირებისა და მრევლის ნაწილი ერთმანეთს ფიზიკურად დაუპირისპირდა. დაპირისპირებული მხარის გაღიზიანება ეკლესიის ეზოში ადგილობრივი ბიზნესმენის კლიმენტი კეკუტიას გამოჩენამ გამოიწვია, რაც მრევლის ნაწილსა და მამაოებს შორის სიტყვიერი და ფიზიკური შეხლა-შემოხლის მიზეზი გახდა.
აქციაზე „რიონის ჰესის მცველებიც“ გამოჩნდნენ.
„ვუჭერთ მხარს ეპარქიაში ცხოვრების მშვიდობიანად გაგრძელებას, იმედია, ასეც იქნება. წირვის დასრულებამდე აქ ვიქნებით და დავუბრუნდებით ჩვენი პროტესტის ადგილს. სრულიად საქართველოს ვულოცავთ ბზობის დღესასწაულს“, – განაცხადა ვარლამ გოლეთიანმა.
