სახალხო არტისტი კახი კავსაძის გარდაცვალებას საქართველოს პრეზიდენტი სალომე ზურაბიშვილი გამოეხმაურა.
„ბატონო კახი! დიდი წუხილით გემშვიდობებით“, – წერს პრეზიდენტი სოციალურ ქსელში.
კახი კავსაძე 85 წლის ასაკში გარდაიცვალა. მსახიობი ბოლო ორი თვის განმავლობაში, პირველ საუნივერსიტეტო კლინიკაში მკურნალობდა.
კახი კავსაძეს კორონავირუსი 2020 წლის 28 ნოემბერს დაუდგინდა. რამდენიმეკვირიანი მკურნალობის შემდეგ მსახიობი ბინაზე გაწერეს, თუმცა მისი საავადმყოფოში დაბრუნება ჯანმრთელობის გაუარესების გამო კვლავ გახდა საჭირო.
