ბოკერიას სახელობის სამედიცინო ცენტრში გარდაიცვალა ახლად ნამშობიარები ქალი. ვერ მოხერხდა ვერც ნაყოფის გადარჩენა.
გარდაცვლილი 34 წლის მაიკო წიკლაურია.
ის ფოლადაანთკარის საჯარო სკოლის მასწავლებელი იყო.
სკოლა სამძიმრის წერილს აქვეყნებს.
„ფოლადაანთკარის საჯარო სკოლა უდიდეს მწუხარებას გამოთქვამს ჩვენი საყვარელი მასწავლებლის, საუკეთესო თანამშრომელისა და მეგობრის, მაიკო წიკლაურის გარდაცვალების გამო.
ჩვენო საყვარელო მაიკო, ჩვენო უდიდესო ტკივილო, რომელი სიტყვები გამოხატავს იმ უკიდეგანო ტკივილს, რასაც შენი დაკარგვით განვიცდით პირველივე დღიდან შენთვის და შენი პატარასთვის ვლოცულობდით, ერთმანეთს ყოველწუთს ვაიმედებდით და დღემდე გვჯეროდა რომ დაამარცხებდით ამ ვერაგ დაავადებას. თუმცა დავმარცხდით. შენ ვეღარ გაუძელი ამ ბრძოლას და დანებდი…
ამბობენ ღმერთის ნებაა ყველაფერიო და ღმერთმა გაანათლოს თქვენი უმანკო სულები…”
ცნობისთვის, მაიკომ ნაადრევად იმშობიარა. ბავშვი რამდენიმე დღეში დაიღუპა. დედამ ამ ტრაგიკული შემთხვევიდან მხოლოდ ორი დღე იცოცხლა. ის გუშინ გარდაიცვალა.
