მეორე დღეა, გურჯაანის მუნიციპალიტეტის სოფელ ზიარში, მამა-შვილს ეძებენ.
როგორც ადგილობრივების ინფორმაციით, ლევან მარკოზაშვილი გუშინ, სახლიდან 5 წლის შვილთან ერთად გავიდა და მთელი ღამის განმავლობაში არ გამოჩენილა.
წინასწარი ინფორმაციით, მამაკაცი “ნივის” მარკის ავტომობილით, ტყეში შეშის მოსაგროვებლად შევიდა.
დაკარგულ მამა- შვილს ადგილობრივები საკუთარი ძალებით ეძებენ.
ფართო სამძებრო ღონისძიებების განსახორციელებლად, ოჯახი პოლიციას უკვე დაუკავშირდა.
ავტორი: ხათუნა გულიაშვილი
