ასაკი და მოგზაურობის მცნება მსოფლიო ჯანდაცვის ორგანიზაციამ სიიდან ამოაგდო – ამის შესახებ საუნივერსიტეტო კლინიკის დირექტორმა ლევან რატიანმა ჟურნალისტებთან საუბრისას განაცხადა. მისი თქმით, ამ დეტალებზე ყურადღების გამახვილება არ ღირს და ყველა ვინც, კლნიკაში შევა ანამნეზით – ცხელება, სუნთქვის უკმარისობა ექვემდებარება ვირუსზე გამოკვლევას.
„ასაკი და მოგზაურობის მცნება მსოფლიო ჯანდაცვის ორგანიზაციამ სიიდან ამოაგდო. ყველა ვინც, კლნიკაში შევა ანამნეზით ცხელება, სუნთვის უკმარისობა ექვემდებარება ვირუსზე გამოკვლევას. რადგანაც ქვეყანაში ცხადდება პანდემია და სამყაროში არის პანდემია, რაოდენობა 2 იქნება თუ 27 მნიშვნელობა აღარ აქვს. რაც შეეხება ასაკს, ასაკობრივი ზღვარიც მოხსნილია მსოფლიო ჯანდაცვის ორგანიზაციის მიერ“ – აცხადებს ლევან რატიანი.
მიმდინარე მოვლენების ინფორმაცია მოკლედ:
- 30 მარტის მონაცემებით, საქართველოში კორონავირუსის შემთხვევა 98-მდე გაიზარდა.
- 30 მარტს, გამოჯანმრთელებულების საერთო რაოდენობამ 18 მიაღწია.
- 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.
- 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა
- 21 მარტს, პრეზიდენტმა საქართველოს მთელ ტერიტორიაზე საგანგებო მდგომარეობა გამოაცხადა.
- მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.
- შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.
- შეზღუდვები შეეხო კაფე-ბარებსა და რესტორნებს.
- საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება.
- პრემიერ-მინისტრმა სახელმწიფო და კერძო დაწესებულებისთვის დისტანციურ რეჟიმში მუშაობის რეკომენდაცია გასცა.
წაიკითხეთ და გაითვალისწინეთ საჭირო რეკომენდაციები
გადაწყვეტილება, რომელიც საგანგებო რეჟიმს დროს მოქმედებს
