ჯანდაცვის მსოფლიო ექსპერტი გიორგი ფხაკაძე კორონავირუსის სხვადსხვა ვარიანტებსა და ვაქცინების ეფექტურობაზე საუბრობს.
პროფესორმა დღეს გაავრცელა ინფორმცია, რომ კორონავირუსის ორმა სხვადასხვა ვარიანტმა შეიძლება, დამოუკიდებლად დააინფიციროს ერთი და იგივე ადამიანი.
როგორც ექსპერტი განმარტავს, ვინც გადაიტანა კოვიდი, 5 თვე აღარ არის დაცული. მისივე თქმით, განსაკუთრებით საყურადღებოა “დელტა” ვირუსის გავრცელება.
„გამოსავალი: გამოიყენეთ სამედიცინო პირბადე ხალხმრავალ ადგილებში და მოვითხოვოთ ეფექტური ვაქცინა“,- წერს გიორგი ფხაკაძე.
ფხაკაძემ აღნიშნა, დელტა ვირუსზე „ფაიზერის“ ვაქცინა 64%-ით ეფექტურია, ჩინური ვაქცინის შემთხვევაში კი საჭიროა ბუსტერი, მხოლოდ „ფაიზერის“ ვაქცინით.
გარდა ამისა, ფხაკაძე საუბრობს კორონავირუსის ახალი ვარიანტების, მათ შორის „ლამბდა“ ვარიანტის შესახებ. მისი თქმით, აღნიშნული ვარიანტი უკვე გავრცელებულია 30-ზე მეტ ქვეყანაში და მისი გავრცელების ტემპი საკმაოდ მაღალია.
ასევე ნახეთ:
