დიდ ქალაქებში დაინიშნება ტრანსპორტი, რომელიც მოქალაქეებს ასაცრელად სპეციალურ უბნებზე მიიყავნენ

საქართველოს დიდ ქალაქებში დაინიშნება სპეციალური ტრანსპორტი, რომელიც დიდი ამცრელი სივრცეებისკენ მოსახლეობას გადაიყვანს მაშინ, როდესაც 14 აგვისტოდან 4 სექტემბრამდე ქვეყანაში მუნიციპალური ტრანსპორტი იზღუდება.

„დაავადებათა კონტროლის ეროვნულ ცენტრს ჰქონდა წინადადება, რომელსაც საკოორდინაციო საბჭომ დაუჭირა მხარი, რომ განსაკუთრებით დიდ ქალაქებში: თბილისში, ქუთაისში, რუსთავში, ბათუმში დაინიშნება სპეციალური ტრანსპორტი დიდი ამცრელი სივრცეებისკენ“, – განაცხადა ამირან გამყრელიძემ.

აკოორდინაციო საბჭოს გადაწყვეტილებით, 14 აგვისტოდან 4 სექტემბრამდე, 3 კვირის განმავლობაში, იმოქმედებს შემდეგი შეზღუდვები:

შეიზღუდება მუნიციპალური ტრანსპორტის მოძრაობა. შეზღუდვა არ ეხება საქალაქთაშორისო ტრანსპორტს;

სრულად იზღუდება ფესტივალები, გასართობი ღონისძიებები, კონცერტები და სპორტული შეჯიბრებები; • იზღუდება ბავშვთა გასართობი ცენტრების მუშაობა;

კვების ობიექტების მუშაობა, ნაცვლად ღამის 00:00 საათისა, დასაშვები იქნება 23:00 საათამდე;

საჯარო უწყებებს ეძლევათ დავალება, მაქსიმალურად გადაიყვანონ თანამშრომლები მუშაობის დისტანციურ რეჟიმზე და ანალოგიური რეკომენდაციით მიმართავს საბჭო კერძო დამსაქმებლებს;