ელდარ შენგელაია ცხელი აგვისტოს დღეებს ქობულეთში ატარებს. 88 წლის რეჟისორს ძალზედ უყვარს სანაპირო კურორტი, მას თითქმის ყოველ წელს სტუმრობს და ზღვაშიც კარგად ცურავს.
ძალებს იკრებს, დატვირთული სექტემბერი ელოდება. ტრილოგიის მეორე ფილმს ასრულებს და მესამის გადაღებასაც მაშინვე აპირებს.
რეჟისორის ფილმების პროდიუსერი მისი მეუღლე, ნელი შენგელაიაა. სწორედ მან გაგვანდო მაესტროს უახლოესი გეგმები.
ნელი შენგელაია: – ქობულეთში ვართ, ვისვენებთ. რა ვქნათ, ამოვიხვრჩვით თბილისში. ნორმალური ამინდებია. ელდარი ცურავს.
სექტემბერში ფილმს ასრულებს. გრძელი სათაური აქვს – “ივანე, ვირი კოხტა, ჩიტები და მიხეილი”, თუმცა ეს სამუშაო სათაურია და ალბათ, შეუცვლის.
მესამე ფილმს თბილისის გარეუბნებში გადაიღებს. სცენარი მზად აქვს. ვიცი, რომ იმედა კახიანი ითამაშებს მღვდლის როლს. სხვა როლებზე ჯერ არაფერი ვიცი…
