ქავთარაძის ქუცაზე მდებარე საველე ჰოსპიტალში მოთავსებული 64-ვე პაციენტი ჟანგბადდამოკიდებულია- ამის შესახებ ჰოსპიტლის კოვიდდეპარტამენტის კურატორმა, მერაბ ჩიქოვანმა ჟურნალისტებთან საუბარში განაცხადა.
მისივე თქმით, ერთი პაციენტის მდგომარეობა დამძიმდა რის გამოც პოლიტპროფილურ კლინიკაში გადაიყვანეს.
„სტაციონარში მკურნალობას ამ ეტაპზე 64 პაციენტი აგრძელებს. მოხდა 1 პაციენტის გადაყვანა პოლიტპროფილურ კლინიკაში. პაციენტის სხვა კლინიკაში გადაყვანის მიზეზი სატურაციის მაჩვენებლის შემცირება და ჯანმრთელობის ზოგადი მდგომარეობის გაუარესება გახდა. ყველა პაციენტი უზრუნველყოფილია ჟანგბადის წერტილით. ვფიქრობთ, უახლოეს მომავალში რამდენიმე პაციენტს ბინაზე გავწერთ“, – განაცხადა მერაბ ჩიქოვანმა.
