აჭარის საზოგადოებრივ მაუწყებელთან, ბათუმში კორონავირუსით დაინფიცირებული ექთანი ჰყვება, რომ პაციენტი, რომლისგანაც მას კორონავირუსი გადაედო, სავარაუდოდ, ფსიქიკურად დაავადებული იყო.
ვახო ხუზმიაშვილის „თავისუფალ სივრცეში“ გასულ ინტერვიუში, ექთანი დაინფიცირების ისტორიას ჰყვება და ამბობს რომ აშშ-დან ჩამოსული საქართველოს მოქალაქე, მედ-პერსონალის მითითებებს არ ემორჩილებოდა და პალატას სისტემატიურად ტოვებდა:
„შესული ვიყავი პაციენტთან, სავარაუდოდ ფსიქიკურად დაავადებული იყო. არ ემორჩილებოდა ჩვენს მითითებებს, გამოდიოდა პალატიდან, ვერ ვაკავებდით ბოქსირებულ პალატაში. სულ გამოდიოდა გვეჩხუბებოდა და იფურთხებოდა. სავარაუდოდ აქედან მოხდა ინფიცირება, თუმცა სათანადოდ ვიყავი დაცული – მეკეთა სამედიცინო ნიღაბი, ქუდი და სათვალე.
ამის შემდეგ უმეტესად თანამშრომლებთან მქონდა შეხება. კონტაქტები დადგენილია და ყველა თვითიზოლაციაში იმყოფება.
ახლა თავს კარგად ვგრძნობ, იოლ ფორმაში მაქვს ვირუსი. არაფერი არ მაწუხებდა, უბრალოდ მომინდა ტემპერატურის გაზომვა. როცა გავიზომე 37 მქონდა სიცხე და ექიმთან მივედი.
ის პაციენტი განაგრძობს მ, ოღონდ სხვა კლინიკაშია გადაყვანილი. ამერიკიდან ჩამოსული ქართველია, მაგრამ როგორც ამბობდა ამერიკაში ცხოვრობდა“, – აცხადებს COVID-19-ით ინფიცირებული ექთანი.
Gepostet von აჭარის ტელევიზია • Ajara TV – საზოგადოებრივი მაუწყებელი am Mittwoch, 1. April 2020
ცნობისთვის, 1-ლი აპრილის მდგომარეობით საქართველოში 117 ინფიცირებულია. გამოჯანმრთელდა 23 პაციენტი.
- 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.
- 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა
- 21 მარტს, პრეზიდენტმა საქართველოს მთელს ტერიტორიაზე საგანგებო მდგომარეობა გამოაცხადა.
- საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება.
- მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.
- შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.
- შეზღუდვები შეეხო კაფე-ბარებსა და რესტორნებს.
ასევე დაგაინტერესებთ:
