მომღერალმა მარიამ ელიაშვილმა ჟურნალ „თბილისელებთან“ ოლიმპიური ჩემპიონის, ლაშა ბექაურის შესახებ ისაუბრა.
„ლაშას ერთ-ერთ შეჯიბრებამდე ჩვენი საერთო ფოტო ავტვირთე და წარმატებები ვუსურვე. ძალიან ბევრი კითხვა წამოვიდა, რა ხდებოდა ჩვენ შორის, ამიტომ ახლა არ ველოდი, რომ ლაშა ამ ისტორიას სატელევიზიო ეთერში მოყვებოდა (იცინის). რეალურად, ჩვენ ერთმანეთის გულშემატკივრები ვართ და ძალიან თბილი ისტორია გვაქვს. მე ორი-სამი წლით ვარ მასზე უფროსი. მის ოჯახსაც ვიცნობ. მამამისი მახსოვს ძალიან თბილად და აქედანაც მოვიკითხავ. ლაშა მას სთხოვდა ხოლმე, ძალიან მინდა, სცენიდან მივუძღვნა ლექსიო.
სხვათა შორის, გადაცემაში რომ თქვა, ეგ სხვა ლექსია და მე რაც მომიძღვნა, ის სხვა (იცინის). იმ პერიოდიდან ჩვენ ძალიან კარგი მეგობრები ვართ, ლამაზი მოგონებებით. მიხარია, რომ ჩანაფიქრი, რომელიც ბავშვობიდან ჰქონდა, განახორციელა და მჯერა, რომ კიდევ ბევრჯერ გაახარებს ქართველ გულშემტკივარს, “- ამბობს მარიამ ელიაშვილი.
ცნობისთვის, ერთ-ერთ გადაცემაში ლაშა ბექაურმა განაცხადა, რომ მარიამ ელიაშვილი მისი მუზა გხდა და მას ლექსი მიუძღვნა.
ნახეთ, სხვა მნიშვნელოვანი სიახლეები:
