იყო, თუ არა ბათუმში ჩამონგრეული კორპუსი ავარიული – ქალაქის მერის მოვალეობის შემსრულებლის, ლელა სურმანიძის ინფორმაციით, 26 მაისის ქუჩაზე მდებარე შენობა ამორტიზირებული არ ყოფილა.
„შესაძლოა იყო გაზის აფეთქება. დანამდვილებით ვერაფერს ვერ გეტყვით. რაც შემიძლია ზუსტად ვთქვა არის ის, რომ კორპუსი არ იყო ავარიული და ავარიულობის გამო არ იყო ეს ნგრევა გამოწვეული.“ – განაცხადა ლელა სურმანიძემ „კურიერთან“ სატელეფონო საუბრისას.
შეგახსენებთ, ცოტა ხნის წინ, ბათუმში, 26 მაისის ქუჩაზე 7 სართულიანი შენობა ჩამოინგრა. მაშველები ნანგრევებში მობინადრეებს ეძებენ. მოჰყვა, თუ არა ინციდენტს მსხვერპლი, ან არიან, თუ არა დაშავებულები, ამის შესახებ ინფორმაცია ჯერჯერობით არ ვრცელდება.
ადგილზე სამაშველო ჯგუფი, სასწრაფო-სამედიცინო ეკიპაჟები და პოლიციაა მობილიზებული. მიმდინარეობს დამატებითი სამაშველო ბრიგადების მობილიზება.
კორპუსი 3 სადარბაზოსგან შედგება, ჩამონგრეულია 1 სადარბაზო. აღნიშნულ კორპუსში დაახლოებით 200-მდე მობინადრე ცხოვრობს.
მსგავსი ⇓
