კორონავირუსის ინფიცირების 46 872 მიმდინარე აქტიური შემთხვევიდან 1 300 პაციენტის ჯანმრთელობის მდგომარეობა მძიმეა. ამის შესახებ ინფორმაციას მთავრობის მიერ შექმნილი სპეციალური საიტი stopcov.ge ავრცელებს.
მათივე ცნობით, 5 679 პირი მკურნალობის კურსს საავადმყოფოში გადის.
“ამ ეტაპზე ინფიცირების მიმდინარე აქტიური შემთხვევა 46 872 საიდანაც 5 679 ადამიანი მკურნალობს საავადმყოფოში, მათ შორის, თბილისის საავადმყოფოებში – 1 998, აჭარაში – 512, იმერეთში – 1 330.
ამ ეტაპზე მძიმე პაციენტია 1 300 პირი, მათ შორის, თბილისში – 423, აჭარაში – 110, იმერეთში – 462. ხელოვნური სუნთქვის აპარატზე იმყოფება 269 პირი, მათგან თბილისში – 143, აჭარაში – 26, იმერეთში – 28.
1 003 ადამიანი მოთავსებულია კლინიკურ-სასტუმროებში, მათ შორის 551 – თბილისში, 263 – აჭარაში.
40 190 პირი ვირუსის მკურნალობის კურსს გადის საცხოვრებელ ბინაზე”,- აღნიშნულია stopcov.ge-ს მიერ გავრცელებულ ინფორმაციაში.
