საქართველოში 21 მარტს საგანგებო რეჟიმი გამოცხადდა, 31 მარტიდან კი საყოველთაო კარანტინი და ე.წ კომენდანტის საათი მოქმედებს.
შესაბამისად, საგანგებო რეჟიმის დარღვევისთვის განსაზღვრულია ჯარიმა 3 000 ლარის ოდენობით ფიზიკურ პირზე, ხოლო 15 000 ლარი იურიდიულ პირზე.
შინაგან საქმეთა სამინისტრომ, საგანგებო რეჟიმის გამოცხადებიდან დღემდე, 6 აპრილამდე, საგანგებო რეჟიმის დარღვევის 2 386 ფაქტი გამოავლინა.
აქედან, ე.წ კომენდანტის საათის დარღვევისთვის 839 პირი დააჯარიმეს, რაც ჯამში 2,517,000 ლარს შეადგენს.
გარდა ამისა, პოლიციამ საჯარო სივრცეში 3-ზე მეტი პირის შეკრების და 2-მეტრიანი სოციალური დისტანციის დაუცველობის, სულ 417 მოქალაქე დააჯარიმა, რაც 1,251,000 ლარს შეადგენს.
ასევე, 13 იურიდიული პირი დაჯარიმდა ეკონომიკურ საქმიანობასთან დაკავშირებული შეზღუდვების დარღვევის ფაქტზე, რაც ჯამში 195,000 ლარს შეადგენს.
