,,ჩვენ დიდი ხანია გვინდა ავაშენოთ ისეთი ქვეყანა, სადაც ადამიანი ცენტრალური ფიგურაა, სადაც ადამიანის უფლებებს სცემენ პატივს და სადაც ადამიანის სიცოცხლე ყველაზე ღირებულია”- ეს განცხადება რუსთავის მე-12 ციხესთან უფლებადამცველმა ბაია პატარაიამ გააკეთა, რომელიც საქართველოს მესამე პრეზიდენტის მხარდასაჭერად მივიდა. მიუხედავად იმისა, რომ სააკაშვილ-პატარაიას facebook დაპირისპირება არც ისე შორეულ წარსულში იყო – უფლებადამცველმა სააკშვილს მეორედ ჩამოტარებული ხინკალი უწოდა… ამ განცხადებას ჯერ კიდევ უკრაინაში მყოფი ექსპრეზიდენტიც გამოეხმაურა.
“მე დღეს, პირველ რიგში, აქ ვარ, როგორც უფლებადამცველი და მეორე რიგში, როგორც ამ ქვეყნის გულშემატკივარი და ამ ქვეყნის მოქალაქე. დღეს ძალიან მძიმე რეალობის წინაშე ვდგავართ. რომ დავანებოთ პოლიტიკურ დებატებს თავი, ეს პირველ რიგში, არის ადამიანის უფლებების საკითხი. დღეს ჩვენ გვყავს პატიმარი, რომელსაც არ ღირსებია სამართლიანი სასამართლო. – განაცხადა პატარაიამ.
თუ არჩევანი მარტო მიშასა და ბიძინას შორის მაქვს დღეს, ისევ გაცხელებული ხინკალივით მეორედ ჩამოტარებულ მიშას ავირჩევ – ასე წერდა უფლებადამცველი სააკაშვილზე.
“სახელმწიფო არ გვაქვს!
ქართული ოცნების მმართველობა უნდა დასრულდეს.
აბა, მიშა გინდა?! თუ არჩევანი მარტო მიშასა და ბიძინას შორის მაქვს დღეს, ისევ გაცხელებული ხინკალივით მეორედ ჩამოტარებულ მიშას ავირჩევ. და თქვენ სასოწარკვეთის რა ლეველზე ხართ?”- დაწერა უფლებადაცმველმა სოციალურ ქსელში.
საქართველოს მესამე პრეზიდენტმა კი ბაია პატარაიას რუსული დიეტური კატლეტის ჭამა “ურჩია”.
” თუ მე მეორედ ჩამოტარებულ ხინკლად მთვლი და მხოლოდ, სასოწარკვეთილთან გინდა ამ კერძის ულუფის მიღება, მგონი სჯობს, გააგრძელოთ რუსული, დიეტური, კატლეტის ჭამა, თავის დამპალი კომბოსტოთი და კარგად გაითავისოთ ეს გემო. არ ვაპირებ ვინმეს დავამცირებინო ის მიღწევები, რომელიც ჰქონდა საქართველოს სახელმწიფოს, ჩემი პრეზიდენტობის დროს, რომელიც იყო უპრეცედენტო ჩვენს ისტორიაში და უზარმაზარ სივრცეზე, სადაც ცხოვრობს რამდენიმე ასეული მილიონი ადამიანი და ნამდვილად არ ვაპირებ second-hand choice ვიყო ვიღაცისთვის. Good Luck!” – უპასუხა სააკაშვილმა.
ასევე დაგაინტერესებთ:
