„მე ვარ მკურნალი ექიმი, სტიქაროსნისა და მისი ოჯახის წევრების ჯანმრთელობის მდგომარეობა სტაბილურია ამ ეტაპამდე“,- ამის შესახებ პირველი საუნივერსიტეტო კლინიკის დირექტორმა ლევან რატიანმა განაცხადა.
მისი თქმით, სტაბილურია ამავე ოჯახის ასაკოვანი მამაკაცის მდგომარეობაც.
შეგახსენებთ, თემქაზე, ზღვის უბანში მდებარე ერთ-ერთი ეკლესიის სტიქაროსანს კორონავირუსი დაუდასტურდა.
Covid-19-ით არიან დაავადებული მისი დედა და ბაბუაც. სამივე მათგანი გადაყვანილი არიან თბილისის ერთ-ერთ საავადმყოფოში.
ინფორმაციას ტაძრის წინამძღვარი მამა სერაფიმე ადასტურებს, რომელიც თვითიზოლაციაშია.
მისი თქმით, სტიქაროსნის დაინფიცირების წყარო ოჯახია და არა ეკლესია.
