საქართველოს ჯანდაცვის მინისტრმა ეკატერინე ტიკარაძემ „ღამის კურიერის“ ეთერში განაცხადა, რომ დღეის მდგომარეობით საქართველოში, ორჯერადად აცრილების რიცხვი, მილიონს გადაცდა.
„ორჯერადად აცრილების რიცხვი, უკვე მილიონს გადაცდა და გვყავს აცრილი 1 009 992 მოქალაქე.
ჩვენ ვითვლით პოპულაციის აცრას და ამასთან დაკავშირებით ბევრი კრიტიკა გვესმის. როგორ გამოიყურება ეს სტატისტიკურად, ალბათ მნიშვნელოვანია. როდესაც ვამბობთ, რომ ჩვენ გვყავს აცრილი მოსახლეობის 40%, ამ შემთხვევაში ვგულისხმობთ სრული პოპულაციის 40%-ს.
ხოლო, ის სამიზნე მაჩვენებელი, რომელიც საქართველოს 21 იანვარს ჰქონდა დადებული, რომ პოპულაციის 60% აიცრას, ამ სამიზნე მაჩვენებელთან ჩვენ მხოლოდ 1% გვაშორებს. შესაბამისად, საქართველოში, დათქმული 60%-დან, სამიზნე ჯგუფში ერთჯერადად ვაქცინირებული უკვე 59% არის.
ეს კი ძალიან დიდ იმედს იძლევა იმისას, რომ ჩვენს სამიზნე მაჩვენებელს უახლოეს მომავალში მივაღწევთ“,- აცხადებს ეკატერინე ტიკარაძე.
