აშშ-ს უმსხვილესი ბანკის, JPMorgan-ის ანალიტიკოსების ვარაუდით, კოვიდპანდემია 2022 წელს დასრულდება და თითქმის ორწლიანი შეზღუდვების შემდეგ, გლობალური ეკონომიკა სრულად აღდგება. ინფორმაციას ამის შესახებ CNN-ი ავრცელებს.
„ჩვენი ვარაუდით, 2022 წელი გლობალური ეკონომიკის სრული აღდგენის, კოვიდპანდემიის დასასრულის და ნორმალური ცხოვრების დაბრუნების წელი იქნება, რისი მიღწევაც ფართო საზოგადოებრივი იმუნიტეტის ჩამოყალიბებით იქნება შესაძლებელი“,- განაცხადა JPMorgan-ის გლობალური ბაზრების მთავარმა ანალიტიკოსმა, მარკო კოლანოვიჩმა.
