აჭარის რეგიონში, კორონავირუსისგან კიდევ ერთი პაციენტი გამოჯანმრთელდა.
როგორც აჭარის ჯანმრთელობისა და სოციალური დაცვის სამინისტროს პრესსამსახურმა „პრაიმტაიმს“ განუცხადა, პაციენტმა კლინიკა „მედ ალფა” უკვე დატოვა.
კლინიკაში რჩება 2 პაციენტი.
ასევე დღევანდელი 29 პირის კვლევის პასუხი COVID-19-ზე უარყოფითია.
ბოლო მონაცემებით, საქართველოში კორონავირუსი 695 ადამიანს დაუდასტურდა, აქედან 425 უკვე გამოჯანმრთელდა, 12 პაციენტი კი გარდაიცვალა.
ბოლო მონაცემებით:
- კარანტინის რეჟიმში იმყოფება – 3890 ადამიანი
- სტაციონარში მეთვალყურეობის ქვეშ – 357 ადამიანი
- უცხოეთიდან სამკურნალოდ გადმოყვანილი საქართველოს მოქალაქეების – 3
ავტორი: მარიამ ხითარიშვილი
