დღეს ნიკოლოზ ბასილაშვილის სასამართლო პროცესი გაიმართა. ცნობილ ჩოგბურთელს აღკვეთ ღონისძიებად გირაო შეუფარდეს.
პროკურატურის ინფორმაციით, ოჯახში ძალადობაში ბრალდებულ ბასილაშვილს 100 ათასი ლარის ოდენობის გირაო შეეფარდა. მას არასწრულწლოვანის თანდასწრებით ყოფილ ცოლზე ძალადობას ედავებიან.
პროცესის შემდეგ ჩოგბურთელის ადვოკატმა ირმა ჭკადუამ ჟურნალისტებს განუცხადა, რომ ბასილაშვილი ბრალს არ აღიარებს.
მოკლე დოსიე
ბასილაშვილი 1992 წლის 23 თებერვალს, თბილისში დაიბადა. 2009 წელს დაამთავრა კალიფორნიის შტატის ქალაქ საკრამენტოს გრანაითბეის დიდი სკოლა.
ჩოგბურთის თამაში 6 წლისამ, გოგა სანთელაძის ხელმძღვანელობით დაიწყო. კარგა ხანს მამა – ნოდარ ბასილაშვილი ავარჯიშებდა.
12 წლისა აშშ-ში გადავიდა საცხოვრებლად და იქ ვიტალი გორინთან ვარჯიშობდა. იყო საქართველოს ჩემპიონი 12-14-წლიანებში.
ამერიკაში ორანჯბოლის ორი ტურნირის ნახევარფინალისტი იყო. 16 წლის ATF-ის ჭაბუკთა მსოფლიოს რეიტინგში 59-ე იყო. 2009 წლიდან პროფესიონალებში გადაინაცვლა.
2010 წელს სოჭის ვაჟთა 10 000-იანი ტურნირი მოიგო. მერე ორი წელიწადი ტრავმების გამო, ფაქტობრივად, არსად უასპარეზია.
2012 წელს ექვსი ტურნირი (ყაზანში, მოსკოვში, ერევანში, თბილისსა და 2 ანტალიაში) მოიგო, ორჯერ ფინალში ითამაშა.
ATP-ტურის ოფიციალურ ვებგვერდზე ჩოგბურთელთა უქმობის პერიოდში გამოქვეყნდა 2018-2020 წლების სტატისტიკა “ბექჰენდის” სიძლიერის მხრივ და ამ კომპონენტში ყველაზე სწრაფი ქართველი ჩოგბურთელი ნიკოლოზ ბასილაშვილი გახლავთ
რაც შეეხება ნიკოლოზ ბასილაშვილის პირად ცხოვრებას, მან 2013 წელს იქორწინა მოდელზე, ნეკა დოროკაშვილზე. წყვილს ერთი შვილი ჰყავთ.
2019 წელს, ერთ-ერთ ინტერვიუში, ბასილაშვილის მეუღლე ამბობნდა, რომ უკვე ლუკასი 3 წლისაა და დროა, დაბრუნებოდა მოდელობას.
„ქალისთვის მთავარია ოჯახი, ქმარ-შვილი და შემდეგ კარიერა. არ ველოდი, მაგრამ ახლახან რამდენიმე სამოდელო სააგენტომ მიმიწვია. 27 წლის ვარ.
მოდელობას გაცილებით პატარა ასაკში იწყებენ, მაგრამ სამოდელო სააგენტოები მაინც დაინტერესდნენ. რომელიცუკეთეს პირობებს შემომთავაზებს, იმას ავირჩევ.
ჩემს თავს უფრო კომერციულ მოდელად ვხედავ, რეკლამები, ჟურნალები, ბილბორდები – ეს არის ჩემი მიმართულება”, – ამბობდა ნეკა.
გახმაურებულ ინციდენტამდე, დიდი ხნით ადრე შეუმჩნეველი არ დარჩენილა, რომ სოციალურ ქსელში წყვილი ერთობლივ ფოტოებს აღარ აქვეყნებდა.
ნიკოლოზ ბასილაშვილი საქორწინო ბეჭდის გარეშე ჩნდებოდა.
22 მაისს, ყოფილ ცოლზე ძალადობის ბრალდებით დაკავებული ბასილაშვილი, დღეს თბილისის საქალაქო სასამართლომ გირაოს სანაცვლოდ გაათავისუფლა.
