ესტონეთმა ქვეყანაში საგანგებო რეჟიმი გამოაცხადა. რეჟიმი 1 მაისამდე გაგრძელდება. ამის შესახებ ინფორმაციას პორტალი Delfi ავრცელებს.
დღეიდან ესტონეთში აკრძალულია საჯარო შეკრებები, კონცერტები, სპორტული შეჯიბრებები. დახურულია მუზეუმები, კინოთეატრები. სკოლები და უნივერსიტეტები ონლაინ-სწავლებებზე გადავიდნენ. საავადმყოფოებსა და ციხეებში კი ვიზიტები აიკრძალა.
ასევე შედგენილია ქვეყნების სია, რომლებიც რისკის ზონას წარმოადგენენ, ესენი არიან ჩინეთი, იტალია და ირანი. ყველა ადამიანი, ვინც ესტონეთის ტერიტორიაზე შედის, 2 კვირა კარანტინში უნდა გაატაროს.
ამ დროისთვის ესტონეთში კორონავირუსი 27 ადამიანს დაუდგინდა. მთლიანად მსოფლიოში 128 ათასი ადამიანს აქვს კორონავირუსი. 4 ათასზე მეტი გარდაიცვალა, ხოლო 68 ათასზე მეტი გამოჯანმრთელდა.
საქართველოში კორონავირუსის 25 შემთხვევა დადასტურდა.
