იმ შემთხვევაში, თუ კომპანიამ ვერ გაყიდა პროექტით გათვალისწინებული ფართების 30 პროცენტი, მათ გარკვეულ პირობებში სახელმწიფო შეიძენს,- ამის შესახებ პრემიერის მრჩეველმა, ბექა ლილუაშვილმა ანტიკრიზისული გეგმის წარდგენისას განაცხადა.
“სწორედ იმისთვის, რომ მსგავსი რისკები კრიზისის პირობებში მაქსიმალურად დავაზღვიოთ, შევიმუშავეთ სპეციალური პროგრამა, რომელიც გულისხმობს მშენებლობის დასრულების გარანტიას სახელმწიფოს მხრიდან.
ეს არის დაახლოებით 200-მილიონიანი პროგრამა.
თუ სამშენებლო პროექტით გათვალისწინებული ფართებიდან 30 პროცენტს კომპანია ვერ გაყიდის, სახელმწიფო მათ შეიძენს.
შეძენილ ფარეთებს საცხოვრებელი ფართით დაკმაყოფილების პროგრამის ფარგლებში გამოიყენებენ”, – ამბობს ლილუაშვილი.
მისივე თქმით, ბინები, რომლებსაც სახელმწიფო შეიძენს, დევნილების გადაეცემათ. ამისთვის მთავრობა 200 მილიონს დახარჯავს.
