წერეთელზე, ვანის ქუჩაზე ახალგაზრდებს შორის დაპირისპირება სისხლიანი გარჩევით დასრულდა.
ფაქტს ადგილზე დარჩენილი სისხლის კვალიც მოწმობს.
„პრაიმტაიმმა“ გაარკვია, რომ ადგილზე 2 ახალგაზრდა – 32 და 29 წლის ბიჭები არიან დაჭრილი და ისინი ახლა გერმანულ ჰოსპიტალში იმყოფებიან.
„32 წლის ბექა ჭ.-ს ნაკვეთი ჭრილობა მხრის და წინა მხრის არეში აქვს მიყენებული, 29 წლის გიორგი ბ.-ს კი, გულ-მკერდის უკანა ზედაპირზე, მარცხენა მხარზე აქვს ჭრილობა.
ორივე პაციენტს ოპერაცია ჩაუტარდა, მათი მდგომარეობა დამაკმაყოფილებელია და იმყოფებიან დაკვირვების ქვეშ“, – გვითხრა ექიმმა, მაია გიორგაძემ.
შსს-ში განგვიმარტეს, რომ მომხდარზე გამოძიება სისხლის სამართლის კოდექსის 117-ე მუხლითაა დაწყებული, რაც ჯანმრთელობის განზრახ დაზიანებას გულისხმობს.
დაპირისპირების მიზეზი და სხვა დეტალები ამ ეტაპზე უცნობია.
ფოტო: Tv pirveli
