რამდენიმე ქვეყნის ლიდერმა უნდა აიღოს შუამავლობა, მხოლოდ და მხოლოდ მათი თანდასწრებით დავიწყოთ დიალოგი, – ამის შესახებ „ლელოს“ ლიდერმა მამუკა ხაზარაძემ განაცხადა.
მისი თქმით, რუსეთის ხელისუფლება საქათველოს მტერია, თუმცა მიუხედავად ამისა აუცილებელია დიალოგის დაწყება ახალ ფორმატში, რომელიც „ძალიან დიდი ქვეყნების ლიდერების“ ჩართულობით უნდა ჩატარდეს.
„ჩვენ ოკუპანტს უნდა დავარქვათ ოკუპანტი. რუსეთი დღეს არის ჩვენი მტერი, სამწუხაროდ. რუსეთის ხალხი არა, რუსეთის ხელისუფლება. იმიტომ, რომ მილიონ ნახევარი ტურისტი ჩამოდის და მე მგონი, აქედან უკმაყოფილო არავინ არ წასულა, მაგრამ ყველაფერს თავისი სახელი უნდა დავარქვათ.
ჩვენ ისეთი ფორმატი უნდა მოვძებნოთ, სადაც რუსეთთან დავიწყებთ დიალოგს, მაგრამ ძალიან დიდი ქვეყნების ლიდერების ჩართვით, ჩვენ ახალი ფორმატი უნდა ვნახოთ.
რამდენიმე ქვეყნის ლიდერმა უნდა აიღოს შუამავლობა, მხოლოდ და მხოლოდ მათი თანდასწრებით დავიწყოთ დიალოგი. პირისპირ რუსეთთან დარჩენა და დიალოგი აბსოლუტურად კატასტროფაა ჩვენი ქვეყნისთვის. როგორ მოახერხებს ამას ჩვენი დიპლომატია ეს მეორე საკითხია“, – განაცხადა მამუკა ხაზარაძემ 7 ივნისს „ტვ პირველის“ ეთერში.
