„პრინცი უილიამი მხედველობას კარგავს?!“, – ამ სათაურით სტატიას Gossip Cop-ი ავრცელებს.
National Enquirer-ში გამოქვეყნებულ სტატიაში, ინკოგნიტო – „მეფის კარზე მომუშავე“ ირწმუნება, რომ ბრიტანეთის პრინცი „სასოწარკვეთილია“ და უამრავ ცნობილ ექიმს სტუმრობს, რათა მის მხედველობას რამეთი უშველონ. სავარაუდოდ, პრინც უილიამს 5 წელი აქვს მანამდე, სანამ ის მხედველობას სრულად დაკარგავდეს.
„მან საჯაროდ განაცხადა, რომ მხედველობის პრობლემები აქვს. თუმცა, მეფის კარზე მე მითხრეს, რომ ის ძალიან შეშინებულია, რადგან მხედველობას კარგავს“,- ამბობს ინკოგნიტო.
პრინც ჰარისა და მეგან მარკლის სამეფო ოჯახიდან წასვლა ძალიან დიდი სტრესის მომტანი აღმოჩნდა ქეითისა და უილიამისთვის:
„მიუხედავად იმისა, რომ ქეითი საზოგადოებას ყოველთვის ძლიერ სახეს აჩვენებს, შიშობენ, რომ მისი სამყარო იშლება.
უილიამის ბრძოლა მხედველობის დაკარგვასთან მისთვის დამანგრეველი და გულსატკენია“.
სავარაუდოდ, ტაბლოიდი 2 კვირის წინანადელ პრინც უილიამის ინტერვიუს დაეყრდნო:
„ასაკის მატებასთან ერთად, მხედველობის პრობლემები მაქვს, მაგრამ კონტაქტურ ლინზებს არ ვიყენებ. სიტყვით გამოსვლების დროს, ადამიანების სახეს ვერ ვარჩევდი, ეს დამეხმარა გამოსვლის დროს ნერვიულობა მეკონტროლებინა“,- ამბობს პრინცი უილიამი.
