გავრცელდა ჩანაწერი სადაც, სავარაუდოდ, მიხეილ სააკაშვილის და ზურაბ ადეიშვილის საუბარია ასახული.
ჩანაწერში საუბარია ჟურნალისტ გიორგი გაბუნიას საქმეზე, რომლის შესაძლო ლიკვიდაციის შესახებ ინფორმაცია პირველად ნიკა გვარამიამ გაასაჯაროვა.
ჟურნალისტების კითხვას ჩანაწერთან დაკავშირებით, გიორგი გაბუნია პასუხობს, რომ მან საერთოდ არ იცის რა ჩანაწერზეა საუბარი.
„არ ვიცი, ვერ გეტყვით ვერაფერს და ვერანაირ ეჭვს ვერ გამიჩენს, რადგან არ ვიცი რაზე საუბრობთ. ჩანაწერი მე არ მომისმენია“, – განაცხადა გიორგი გაბუნიამ.
