ვატიკანში სააღდგომო მსახურება კორონავირუსის გამო მორწმუნეების გარეშე ჩატარდება. ამის შესახებ განცხადებას ვატიკანი ავრცელებს.
„საერთაშორისო დონეზე ჯანდაცვის სფეროში საგანგებო სიტუაციის გამო, წმინდა კვირაში ყველა მსახურება მორწმუნეების გარეშე ჩატარდება,” – აღნიშნულია განცხადებაში.
კათოლიკე მრევლი ასევე ვერ დაესწრება ღვთისმსახურებას ვნების კვირის განმავლობაში. 3 აპრილამდე ტურისტებისთვის დაკეტილია წმინდა პეტრეს ტაძარი, მიმდებარე მოედანი და მუზეუმებიც.
