“ძალიან სამწუხარო სანახავია, როდესაც ადამიანებს გადარჩენის შესაძლებლობა აქვთ და ერი და ბერი ვაქცინაციისკენ არ მოვუწოდებთ“,- ამის შესახებ ალერგოლოგ-იმუნოლოგმა, ბიძინა კულუმბეგოვმა განაცხადა.
მისი თქმით, ადამიანის სიცოცხლის გადასარჩენად სხვა გზა არ არსებობს.
“შევეგუეთ 70-74 ადამიანის გარდაცვალებას ყოველდღე. ძალიან სამწუხარო სანახავია, როდესაც ადამიანებს გადარჩენის შესაძლებლობა აქვთ და ერი და ბერი ვაქცინაციისკენ არ მოვუწოდებთ. 20-30 ჯერ მცირდება სიკვდილობის მაჩვენებელი ვაქცინირებულ ადამიანებში.
რაც შეიძლება ნაკლები სოციალური კონტაქტი, პირბადე და დისტანცია. საკუთარ თავზე მაინც ვიფიქროთ, რამემ მაინც იმოქმედოს ჩვენზე და გავიკეთოთ ვაქცინა,”-განაცხადა ბიძინა კულუმბეგოვმა “რუსთავი 2-თან“ საუბარში.
ცნობისთვის დღეს კორონავირუსის გართულებების შედეგად 74 ადამიანი გარდაიცვალა, ეს ქვეყანაში დაფიქსირებული სიკვდილიანობის მაჩვენებლის ანტირეკორდია. გამოვლინდა ინფიცირების 4901 შემთხვევა.
ასევე დაგაინტერესებთ:
