თორნიკე თუთარაშვილი სოციალურ ქსელში აქვეყნებს სტატუსს, სადაც აღწერს, რა იქნებოდა, კორონავირუსის პანდემიის დროს რომ დაწერილიყო „მე, ბებია, ილიკო და ილარიონი“.
„მე, ბებია, ილიკო და ილარიონი“ ახლა რომ დაწერილიყო:
– ჩიგოგიძე!
– ონლაინ ვარ, მასწავლებელო!
– კალანდაძე!
– აგერ ვანათებ მასწავლებელო!
– სიხარულიძე!
– ვინდოუსი აქვს გადასაყენებელი, მასწავლებელო, და ჭყონიამ, ცენტერაძემ, ბურჭულაძემ, ქორიძემ, ნინიძემ და ღლონტმა თიმ ვიუერი ჩაურთეს.
– მთელი კლასი ვერ ჩაერთეთ? – იკითხა გულჩვილმა მასწავლებელმა.
– სერვერზე თიმ მემბერისთვის ფრი სფეისი აღარ დარჩა, თორემ ჩავერთვებოდით
– ვაშალომიძე, ვაშალომიძე, ვა-შა-ლო-მი-ძე! – ყვირის მასწავლებელი და მაუსს ხაოზე ურტყამს.
– აქ ვანთივარ, პატივცემულო მასწავლებელო!
– მასეთი ნათება და ოფლაინ ყოფნა ერთი და იგივეა!
– ონლაინ-ოფლაინ, საკითხავი აი, ეს არის!
(ვინცხამ უწყაროოდ მომპაროს, ვინდოუსი ვერ გადააყენოს ცხრა თაობაში)“, – წერს თორნიკე თუთარაშვილი.
ცნობისთვის, კორონავირუსის გამო სკოლებსა და საბავშვო ბაღებში სასწავლო პროცესი 1-ელ აპრილამდე შეწყდა.
