ახლა პოლიტიკური მატრაკვეცობის დრო არ არის. თუკი ვინმეს რაიმე აქვს დასარიგებელი და დახმარება სურს, კეთილი ინებოს და ეს შესაბამის მუნიციპალიტეტებთან ერთად გააკეთოს, – ასე გამოეხმაურა საპარლამენტო უმრავლესობის ლიდერი, მამუკა მდინარაძე ზუგდიდში „ნაციონალური მოძრაობის“ მიერ პირბადეების და სადეზინფექციო საშუალებების დარიგებას.

„ახლა პოლიტიკური მატრაკვეცობის დრო არ არის. ყველა უნდა გავუფრთხილდეთ ერთმანეთს და შევასრულოთ ის რეკომენდაციები, რასაც გვაძლევს ჯანდაცვის მსოფლიო ორგანიზაცია. თუ ვინმეს რამე დასარიგებელი აქვს და უნდა ჰუმანიტარული დახმარება განახორციელოს კონკრეტული ეგიდით, მან უნდა ითანამშრომლოს ადგილობრივ სტრუქტურებთან, მუნიციპალიტეტებთან, სადაც კარგად დატრენინგებული ადამიანები არიან. მოხალისემ კარგად იცის, როგორ დაარიგოს, როგორ შეაგროვოს, როგორ დაასუფთავოს, ხელთათმანი როგორ გამოიყენოს და ა.შ. კეთილი ინებოს ყველამ და თუკი ვინმესთვის რამე დახმარება სურს, გააკეთოს ეს შესაბამის მუნიციპალიტეტებთან ერთად, მათი დახმარებით და მათი რეკომენდაციით. წინააღმდეგ შემთხვევაში, როგორც გუშინ, ასევე წარმოიშობა საფრთხე და ეს იქნება არა ჰუმანიტარული, არამედ პოლიტიკური ქულების ჩასაწერად გამართული რაღაც აქცია, რომლის დროც დღეს ნამდვილად არ არის“, – განაცხადა მდინარაძემ.

მიმდინარე მოვლენების ინფორმაცია მოკლედ:

• 27 მარტის მონაცემებით, საქართველოში კორონავირუსის შემთხვევა 81-მდე გაიზარდა. 

• 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა

• 21 მარტს, პრეზიდენტმა საქართველოს მთელ ტერიტორიაზე საგანგებო მდგომარეობა გამოაცხადა.

• მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.

• შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.

• შეზღუდვები შეეხო კაფე-ბარებსა და რესტორნებს.

• საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება.

• ყველა მეზობელ ქვეყანასთან მოქალაქეთა მიმოსვლა შეზღუდულია, ასევე, 2 კვირით საზღვარი დაკეტილია უცხო ქვეყნების მოქალაქისთვის.

• პრემიერ-მინისტრმა სახელმწიფო და კერძო დაწესებულებისთვის დისტანციურ რეჟიმში მუშაობის რეკომენდაცია გასცა.

წაიკითხეთ და გაითვალისწინეთ საჭირო რეკომენდაციები

• უმი ხილი და ბოსტნეული საპნით უნდა გაირეცხოს – თენგიზ კალანდაძის რეკომენდაცია

• კარგია, მაგრამ … – პაატა იმნაძის რეკომენდაცია სუფთა ჰაერზე სეირნობასთან დაკავშირებით

• მრავალჯერადი პირბადე არ არსებობს! – ექიმის გაფრთხილება

• პაატა იმნაძე გირჩევთ რომელი წამალი უნდა დალიოთ სიცხის დროს

• როგორ დავიცვათ ჰიგიენის ნორმები ნაღდი ფულის გამოყენებისას – ეროვნული ბანკის რეკომენდაცია

• თქვენ გეუბნებიან, რომ შორი-შორს დადექითო – ილია მეორე

გადაწყვეტილება, რომელიც საგანგებო რეჟიმს დროს მოქმედებს

•  რა (არ) შეიზღუდა საქართველოში

•  სპეცრეისების ფრენების განრიგი